மருந்து கட்டுப்பாடு நிர்வாகத்துறை, தமிழ்நாடு 26.11.1981 முதல் தனித்துறையாக மருந்து கட்டுபபாடு இயக்குநரை துறைத் தலைவராகப் பெற்று மருந்து கட்டுப்பாடு நிர்வாகத்துறை எனும் பெயரில் செயல்பட்டு வருகிறத"

நிர்வாகம் திறம்பட செயல்பட இத்துறையின் கீழ் 25 மண்டல அலுவலகங்கள் (சென்னையில் 5 மற்ற பகுதிகளில் 20) மருந்து கட்டுப்பாடு உதவி இயக்குநர்களின் கீழ் செயல்பட்டு வருகின்றன. அவர்கள் தங்கள் பகுதியில் மருந்துகள் தங்கு தடையின்றி கிடைப்பதினை நோக்கமாகக்கொண்டு மருந்து விற்பனை உரிமங்களை வழங்கவும்/புதுப்பிக்கவும் அதிகாரம் பெற்று இத்துறையின் கீழ் செயல்பட்டு வருகின்றனர்.

மேலும் நிர்வாகம் திறம்பட 2 இணை இயக்குநர்கள் மற்றும் 2 துணை இயக்குநர்களையும் இத்துறை பெற்றுள்ளது.

இத்துறையில் 15 மூத்த மருந்தாய்வாளர் (ம) 146 மருந்து ஆய்வாளர்கள் பணிபுரிகின்றனர். இவர்களில் 140 மருந்தாய்வாளர்கள் 12 மூத்த மருந்தாய்வாளர்கள், உதவி மருந்து கட்டுப்பாடு இயக்குநர்களின் கீழ் மண்டலங்களிலும், 3மூத்த மருந்தாய்வாளர்கள் (ம) 6 மருந்தாய்வாளர்கள் மருந்து கட்டுப்பாடு இயக்குநர் அலுவலகத்திலும் பணியாற்றுகின்றனர். மொபைல் வேனுடன் கூடிய புலனாய்வு பிரிவு துணை மருந்து கட்டுப்பாடு இயக்குநர் பொறுப்பில் உள்ளது. சட்ட சிக்கல்களை கையாள ஒரு சட்ட ஆலோசகருடன் 6 மருந்தாய்வாளர்களும் புலனாய்வு பிரிவில் செயல்பட்டு வருகின்றனர். மருந்துகள் தரமானதாகவும் தட்டுப்பாடின்றியும் சரியான விலையில் கிடைத்திடுவதை உறுதி செய்வது இத்துறையின் பிரதான நோக்கமாக கொண்டு மருந்து (ம) அழகுசாதனச் சட்டம் 1940 மற்றும் விதிகள் 1945 இன் படி செயல்படுகிறது. மருந்து ஆய்வாளர்களால் எடுக்கப்பட்ட மாதிரிகளை முழு பகுப்பாய்வு செய்வதற்காக மருந்து ஆய்வுக் கூடம் இத்துறையுடன் இணைந்து 01.04.1982 முதல் செயல்பட்டு வருகிறது.